Hoxe compartímosvos outra das actividades de este ano do Programa "Da Escola á Granxa":

O 16 de outubro, as nenas e nenos de Infantil foron de excursión a Agroalimentaria Laurentina e pasaron un día moi granxeiro.

FABRICANDO PASTA DE DENTES!

As nosas nenas e nenos de 3º de Primaria asistiron a un obradoiro no que aprenderon a fabricar pasta de dentes. 

Actividade de Educación Ambiental impartida por ADEGA.

HORTA ESCOLAR

Os nosos peques estano a pasar xenial, ademais de aprender un montón de cousas interesantes, co noso proxecto de Horta Escolar!

Estes días, Pablo ensinoulles cómo facer COMPOST, é dicir, cómo transformar a nosa basura orgánica en alimento para as plantas!

Facede clic aquí e mirade!!

Onte, 25 de novembro, foi o Día Internacional Contra a Violencia de Xénero, e queremos compartir con vós o último dos obradoiros de actividades coeducativas pola Igualdade deste curso, que se realizou o pasado 11 de novembro:

Os nosos nenos de Infantil desfrutaron dunha xornada de concienciación, na que puideron percibir a importancia de traballar entre todos, de ter claro que ninguén vale mais nin menos que outra persoa, e que o mellor que podemos facer é respectarnos e axudarnos entre nós.

Sementando dende ben cedo as leccións mais importantes da vida!

Facede click e mirade cómo traballaron e o ben que o pasaron!!

Axudas dirixidas  a Asociacións de Nais e Pais do alumnado de centros educativos de Galicia, e subvencionadas pola Secretaría Xeral de de Igualdade da Xunta de Galicia e financiadas polo Pacto de Estado Contra a Violencia de Xénero.

EXCURSIÓN A "A CASA DA TERRA"

Hoxe, 3 de novembro, Día Internacional das Reservas da Biosfera da Unesco, queremos compartir con tod@s vos a actividade que realizamos o pasado 25 de outubro: unha excursión a A Casa da Terra, en Antas de Ulla, un lugar precioso no medio da natureza, onde @s nos@s nen@s e nós, desfrutamos dun bonito día cheo de actividades moi divertidas.

Moitas grazas a A Casa da Terra por recibirnos e tratarnos tan ben.

Pasamos un día xenial!!

Foi unha actividade subvencionada pola Deputación Provincial de Lugo, co programa Reserva da Biosfera, Terras do Miño.

#DiaInternacionalRB, #RERB, #terrasdomiño

PROGRAMA DE IGUALDADE 2025

Os días 8, 9 e 10 de outubro, @s nos@s nen@s de 3º a 6º de primaria asistiron a unhas charlas acerca da importancia do uso responsable de videoxogos e redes sociais.

A nosa ANPA organizou estas actividades coeducativas, que están subvencionadas pola Secretaría Xeral de Igualdade da Xunta de Galicia e financiadas polo Pacto de Estado contra a Violencia de Xénero.

VISITA AO MUSEO DO MEL. 1º DE PRIMARIA

O pasado luns, 6 de outubro, as nenas e nenos de 1º de primaria viaxaron ata Valadouro a visitar o Museo da Mel, onde Marifé lles explicou de mil amores todos os segredos deste alimento tan saudable e tan delicioso.

Foi unha actividade dentro do programa "Da Escola á Granxa" da Deputación de Lugo.

Qué ven o pasaron @s nos@s nen@s!!